உண்மையாகவே செக்கு எண்ணெய் அப்புடின்னா என்னாங்க..? ஏமாற்றத்தில் சிக்கியிருப்பது மக்களா..?
சமீபகாலமாக, மக்கள், ஆரோக்கியமான, பழமையான உணவு பழக்கத்திற்கு மாறி வருகின்றனர். மிகவும் வரறவேற்க தக்க ஒன்றுதான்.
‘ஆர்கானிக்’ காய்கறிகள், செக்கு எண்ணெய் ஆகியவற்றை பயன்படுத்துவது அதிகரித்துள்ளது. இதை பயன்படுத்தி, ஏராளமான கடைகள் முளைத்துள்ளன.
தமிழகம் முழுவதும் செக்கு எண்ணெய் விற்பனை கடைகள், திடீரென அதிகரித்துள்ளன. அதே போல் ஆர்கானிக் என்ற பெயரில், மளிகை கடை, காய்கறி கடைகளும் அதிகரித்துள்ளன.இதுவரை கிராமங்களில் மட்டுமே காணப்பட்ட மரச்செக்கு, சமீப காலமாக, சென்னை நகரில் ஏரியாவுக்கு ஒன்று என முளைத்து வருகிறது.
இதில், எண்ணெயை மட்டுமே வாங்கி வந்து, அதை, செக்கில் ஆட்டிய எண்ணெய் என, விற்பனை செய்யும் கடைகளும், ஆங்காங்கே முளைத்துள்ளன.
செக்கு எண்ணெய்க்கு தற்போது மவுசு ஏற்பட்டுள்ளது. இதை பயன்படுத்தி ஆங்காங்கே, செக்குஎண்ணெய் கடைகள் முளைத்து வருகின்றன.மரச் செக்கு என்றால், கடையும் செக்கும், உரலும் மரத்தால் இருக்க வேண்டும். வாகை மரம் என்றால் இன்னும் சிறப்பு.
அரவை நேரமும் அதிகமாக இருக்க வேண்டும். இதனால், 20 சதவீத எண்ணெய் குறைவாகவே கிடைத்தாலும், கொழுப்பு அற்ற, உடலுக்கு ஆரோக்கியமான எண்ணெய் கிடைக்கும்.
இரும்பு செக்கில் ஆட்டும் எண்ணெயால், உடலுக்கு எந்த நன்மையும் இல்லை. மேலும், கடலையில் கல் இல்லாத, கெட்டுப்போகாத கடலையை உபயோகிப்பது நல்லது. இல்லாவிட்டால், மொத்த எண்ணெயும் கெட்டுப்போக வாய்ப்புண்டு.
தற்போது, சுத்தமான நாட்டு மரச் செக்கில் ஆட்டிய கடலை எண்ணெய், ஒரு கிலோ, 230 ரூபாய்க்கு கிடைக்கிறது. தேங்காய் எண்ணெய், 320 ரூபாய்க்கும், நல்லெண்ணெய், 290 ரூபாய்க்கும் கிடைக்கிறது.
எண்ணெய்க்கான எள் ஒரு கிலோ, 110 ரூபாய்க்கும், கடலை, 70 ரூபாய்க்கும், தேங்காய், 140 – 170 ரூபாய் வரையிலும் விற்கப்படுகிறது.
சான்றிதழ்
பொதுவாக, மரச் செக்கில் எண்ணெய் ஆட்டும் போது, 15 கிலோ கடலையை அரைக்க, ஒன்றரை மணி நேரமாகும். 5.5 – 6 கிலோ எண்ணெய் கிடைக்கும். அதுவே, இரும்புச் செக்கில் ஆட்டினால், அரை மணி நேரத்தில் ஆட்டி விடுவர்.
எண்ணெயும், 2 கிலோ கூடுதலாக கிடைக்கும். உண்மையாக மரச் செக்கில் எண்ணெய் ஆட்டுபவர்கள், செக்கை பரிசோதிக்க அனுமதிப்பர்.
நன்மை செய்கிறோம் என்ற பெயரில் பல நிறுவனங்கள் இந்த மோசடியை செய்கிறது..!
நீங்கள் வாங்குவது செக்கு எண்ணை என்றால் ஒருநாள் சென்று பாருங்கள் உண்மையாகவே அவர்கள் செக்கில் ஆட்டுகிறார்களா என்று..!
தயவு செய்து இதனை பகிருங்கள் காரணம் இன்று சிறிய அளவில் ஏமாற்றுபவனே நாளை நிறுவனம் என்ற பெயரில் பெரிய அளவு ஏமாற்றுவான்..!
