மானுட வாழ்விற்கு அழகும், அர்த்தமும், ஆரோக்கியமும் அளிப்பது பாலுணர்வு இயற்கையான பாலுணர்வின், பாலுறவின் இடத்தை வேறொன்றால் நிரப்ப இயலாது. காம சாஸ்திரமும், காமத்துப் பாலும், கலைகளும் காவியங்களும் பாலியல் பாடங்களைக் கற்றுத் தந்தாலும் பாலியல் நலக் கோளாறுகளும், பாலியல் ஒழுங்கீனங்களும் பெருகி வருகின்றன.
பாலியல் விஷயத்தில் அளவுக்கு மீறிய கட்டுப்பாட்டை உண்டாக்கும் மத அடிப்படை வாதங்களும், அளவுக்கு மீறிய கட்டுப்பாடற்ற சுதந்திரத்தை கட்டவிழ்த்துவிடும் மேனாட்டுக் கலாச்சாரமும் பாலியல் நெறிமுறைகள் என்ற பெயரின் நடைபெறும் மோசமான தாக்குதல்கள்.
கடவுளின் திருப்திக்காக உடலுறவும், ஓரினச் சேர்க்கையும், விபச்சாரமும் கோவில்களில் மற்றும் சுற்றுப்புறங்களில் நடத்தியிருந்த மதங்களையும் எல்லாவிதமான பாலியல் வெளிப்பாடுகளிலிருந்தும் விலகி நிற்க வேண்டுமென்றும், பிரம்மச்சரியம் தேவையானதென்றும் சொல்லும் மதங்களையும் வரலாற்றில் காண்கிறோம்.
19ஆம் நூற்றாண்டின் இறுதியிலும் 20-ம் நூற்றாண்டிலும் கிராப்ட் எப்பிங், சிக்மண்ட் ஃபிராய்டு, ஹாவ்லோஸ் எல்லிஸ், வான் டி வெல்ட், கின்சே, மாஸ்டர்ஸ் ஜான்சன் போன்றோரின் விரிவான விஞ்ஞானபூர்வமான ஆய்வுகளுக்குப் பின் வெளிப்படுத்திய உண்மைகள் பாலியல் சர்வாதிகாரிகளுக்கு கடும் அதிர்ச்சி ஏற்படுத்தின. பாலியல் பலவீனங்களையும், பிரச்னைகளையும், தடைகளையும் தீர்க்க உதவும் சிகிச்சை திட்டங்களுக்கு இவை பேருதவி புரிந்தன.
பாலியல் சார்ந்த கடுமையான கட்டுப்பாடுகளும், தடைகளும், அறியாமையும், வயாக்ரா போன்ற ஆங்கில மருந்துகளை நாடிச் செல்லும் ஆபத்தான போக்கும் கணக்கிலடங்காத தீமைகளை ஏற்படுத்துகின்றன. கட்டுப்பாடற்ற பாலியல் சுதந்திரம் என்பது குடும்ப உறவுகளை சமூகப் பண்பாட்டை, தனி நபர் ஆரோக்கியத்தைச் சீரழிக்கிறது. பாலியல் அராஜகத்திற்கு வழிவகுக்கிறது. இந்நிலையில் இன்றைய தலைமுறையினருக்கு பாலியல் நலம் (Sexual Health) பற்றிய ஆரோக்கியமான, அறிவியல் பூர்வமான பார்வையும் அணுகுமுறையும் மிகவும் அவசியமாகும்.
ஆண் பெண் இருவரின் உடலமைப்பும் வேறு வேறானவை. பாலியல் உறுப்புகளும் செயல்பாடுகளும் அவற்றின் பிரச்னைகளும் வேறுவேறானவை. ஆண்கள் சமுதாயத்தின் முக்கியப் பாலியல் பிரச்னைகள் மூன்று. 1. உறுப்பின் அளவு. 2. உறுப்பின் எழுச்சி. 3) உறவின் நேரம். இம்மூன்று பிரச்னைகள் குறித்து கவலையுடன் சிந்திக்காத ஆண்கள் அரிது. இவற்றில் உறுப்பின் அளவு சார்ந்த பிரச்னையும் (Micro Penis) எனப்படும் சிறிய ஆணுறுப்பு பிரச்னையும் சிக்கலான மனவேதனை அளிக்கும் பிரச்னைகள்.
உலகிலுள்ள அனைத்து ஆண்களுக்கும் ஒரே அளவிலான ஆணுறுப்பு அமைவதில்லை. நபருக்கு நபர் மாறுபடும். வெற்றிகரமான உடலுறவை நிறைவேற்றுவதற்கு ஆணுறுப்பு விரைப்பு நிலையில் 4 அங்குல நீளம் போதுமானது என்பதே மருத்துவ விஞ்ஞானம் சுட்டிக் காட்டும் உண்மை. அதைவிட அளவிற் சிறியது எனில் அது மைக்ரோ பெனிஸ் ஆகக் கருதப்படும்.
சிறுவயது முதல் சுய இன்பப் பழக்கம், சுக்கிலச் சுரப்பி (Prostate) யில் கிருமித்தொற்று, ஹார்மோன் குறைபாடு போன்ற காரணங்களால் மைக்ரோ பெனிஸ் அமைந்துவிடுகிறது. அனுபவம் நிறைந்த ஹோமியோ மருத்துவர்களால் ஆண் உறுப்பின் அளவு, பருமன் எழுச்சி போன்ற பிரச்னைகளுக்கு ஒப்பீட்டளவில் சிறந்த தீர்வை வழங்க முடியும்.
ஆண்களின் பாலுறவு உறுப்பு மற்றும் செயல்திறன் குறைபாட்டிற்கான அடிப்படைக் காரணங்களைத் துல்லியமாக ஆராய்ந்தறிந்து ஹோமியோபதி சிகிச்சை அளிக்கப்படும் போது பாலுறுப்பின் வளரச்சியும், திறனும் மேம்படுகின்றன. தாம்பத்திய செயல்பாட்டின் கால அளவும் நீடிக்கிறது. ஆண்களின் அந்தரங்க பாலியல் நலப் பிரச்னைகளைத் தீர்க்க உதவும் சில முக்கிய ஹோமியோ மருந்துகளை அறிவோம்.
லைகோ போடியம் : ஆண் உறுப்பு பலவீனம் & ஆண்மைக் குறைபாட்டைத் தீர்ப்பதில் முதன்மை இடம் பெறும் நிகரில்லா மருந்து. தாழ்வு மனப்பான்மை, முன்பதற்றம், துரித விந்து, சுக்கிலச் சுரப்பி வீக்கம் போன்ற இம்மருந்தின் இதரக் குறிகளோடும் இணைத்துப் பார்ப்பது அவசியம். இம்மருந்து மூலம் தீர்வு நிச்சயம்.
அர்ஜெண்டம் நைட்ரிகம் : பாலுறவு விருப்பமின்மை மற்றும் பாலுறவில் ஈடுபடத் துவங்கியதும் உறுப்பு துவண்டு தோல்வியடைதல். இக்குறிகளே இம்மருந்தினை அடையாளம் காட்டும். அத்துடன் உடலிலும் உள்ளத்திலும் பதற்றம், நடுக்கம், உணர்ச்சி வசப்படும் நிலை காணப்படும்.
(குறிப்பு : லைகோபோடியம் & அர்ஜெண்டம் நைட்ரிகம் 2 மருந்துகளும் ஆண்மைக் குறைவு பிரச்னைகளுக்கு அதிமுக்கிய பயனளிப்பவை. இருப்பினும் இரு மருந்துகளையும் ஒரே நேரத்தில் எடுத்துக் கொள்ளக் கூடாது. ஹோமியோபதி மருத்துவர்களால் மட்டுமே துல்லியமாக உரிய மருந்தினைத் தேர்வு செய்ய இயலும்).
டாமியானா : பாலுறவு பலவீனங்களைப் போக்கும் அற்புத சக்தி கொண்ட மருந்து. உடலுறவு உந்துதலை மேம்படுத்துகிறது. இம்மருந்தின் தாய் திரவத்தில் சில சொட்டுக்களை சிறிதளவநீரில் கலந்து தினம் 2 அல்லது 3 வேளை பருகி வந்தால் ஆண்மை வீரியம் பெருகுவதோடு, உயிரணுக்களின் எண்ணிக்கையும் அதிகரிப்பது உறுதி, ஆண் மலட்டுத் தன்மையைப் போக்க உதவும் சிறந்த மருந்து.
அஸ்வகந்தா : இந்திய ஜின்செங் என்று புகழப்படும் மருந்து. ஆணுறுப்புத் தளர்ச்சி, துரித விந்து, அணுக்கள் குறைவு போன்றவை அஸ்வகந்தா மருந்தின் பிரதானக் குறிகள். இதனை தாய் திரவத்தில் பயன்படுத்தும் போது முன்குறிப்பிட்ட ஆண்மை பலவீனங்களை அகற்றுவதோடு, மூளையின் சிந்திக்கும் திறனையும் அதிகரிக்கிறது.
அக்னஸ் காஸ்டஸ் : மனம் கிளர்ச்சியுற்ற போதிலும், உறுப்பு குளிர்ந்து, தளர்ந்து இருப்பது, கடந்த காலங்களில் சுய இன்பம் மூலமாக அல்லது அதீதமான பாலுறவு ஈடுபாடுகள் மூலமாக ஆண்மைக் குறைவு அடைந்திருப்பது போன்றவை இம்மருந்தின் முக்கியக் குறிகள். குறிப்பாக மணமான ஆண்களுக்கு அதிக பலன் தரக் கூடிய மருந்து. பெரும்பாலான ஹோமியோபதி மருத்துவ நிபுணர்கள் இம்மருந்தினை தாய் திரவத்தில் அல்லது 200வது வீரியத்தில் பயன்படுத்தி வெற்றி கண்டு வருகின்றனர்.
(குறிப்பு : மணமாகாதவர்களுக்கு இரவு நேர விந்து கழிதல், சுய இன்ப பழக்க அடிமைத்தனம், விருப்பமற்ற நிலையில் வலியுடன் விறைப்பு, மனச் சோர்வுடன் ஆண்மைக் குறைபாடு போன்ற பிரச்னைகளுக்கு ‘கலாடியம்’ என்ற மருந்து பயன்படும்)
சைடோனியா வல்காரிஸ் : ஆணுறுப்பு அளவு மற்றும் செயல்பாடுகளை மேம்படுத்த உதவும் சிறந்த மருந்து. உலகளாவிய இதன் பயன்பாடு குறிப்பிடத்தக்கது. மிகக் குறிப்பாக அளவில் சிறுத்திருக்கும் ஆணுறுப்பின் வளர்ச்சிக்கு (Penil Enlargement) உதவும் மருந்து இது. இதன் வீரிய அளவுக்ளும், உள் மருந்தாக, வெளி மருந்தாக பயன்படுத்தும் முறைகளும் ஹோமியோபதி மருத்துவர்களால் மட்டுமே தீர்மானிக்க இயலும்.
Dr.S.வெங்கடாசலம்
மாற்றுமருத்துவ நிபுணர்
சாத்தூர்
செல் – 9443145700
மின்னஞ்சல் – [email protected]