ஆணுறையோ பெண்ணுறையோ
அவசியமெனில் அணிந்துத் தொலையுங்கள்
தேவை முடிந்தபின்பு – நடுத்
தெருவில் போடாதீர்கள்
அரும்புகளும் அதைக்கண்டு
அர்த்தம் தேடித் தவிக்கிறது…
மாதவிடாய் என்பது – பெண்
மகத்துவத்தில் ஒன்றாகும்
வீதியில் போட்டு நீங்களும் – அதனை
விளம்பரம் செய்யாதீர்
நெகிழிப்பையில் முடித்து
குப்பையலிட மறவாதீர்….
இரவுகென்றுப் பல உடைகள்
விருப்பம்போல் அணியுங்கள்
ஆனால் அறிவின்றி அதனோடே
சந்தைவரை செல்லாதீர்
ஆடவரைத் தூண்டாதீர்.
பொதுக் கழிப்பிடங்கள்
போதுமானவரை உண்டு – இனியும்
மூச்சடைக்க வைக்காதீர்
விலங்கினம் போல் வீதியிலே கழிக்காதீர்…
சின்னஞ்சிறு குழந்தைகளும்
உண்டுக் களிக்கிறது பலகாரம்
தள்ளுவண்டித் தோழமைகளே
கைகள் சுத்தம் செய்ய மறவாதீர்
குழந்தைகளைப் பேணத் தவறாதீர்..
வீசும் குப்பைக் காற்றில் பறந்து
வாகன ஓட்டியின் மேல் விழுந்து
நிலைத்தடுமாறி விபத்துகளும் நிகழக்கூடும்
குப்பைகளைத் தொட்டியில் போடப் பழகிடுவீர்…
நன்மைக்கென்றுப் புரிந்திடுவீர் – நம்
செல்வங்களின் நலன்கருதி நடந்திடுவீர்
பாதிக்கப்படுவோரில் நாமும் அடக்கம் – எனவே
சுகாதாரம் கடைபிடிப்பீர் – நம்
சுற்றுப்புறம் காத்திடுவீர்..
(நாசூக்கா சொல்லத் தெரியலங்க…. சில கன்றாவிகள சகிக்க முடியலங்க….)
யாரோ எழுதியது எழுதியவர்க்கு நன்றி